ٹیکسلا:
خان پور ڈیم سے وابستہ پاک بحریہ کے ریٹائرڈ کمانڈو، ماہر غوطہ خور اور پیرا گلائیڈنگ پائلٹ آصف محمود چترال میں پیرا گلائیڈنگ کے دوران حادثے میں جاں بحق ہوگئے۔
ریسکیو ذرائع کے مطابق آصف محمود اپر چترال کے علاقے بنی میں پیرا گلائیڈنگ کے دوران خراب موسم کے باعث لاپتہ ہو گئے تھے جس کے بعد ان کی تلاش کے لیے ریسکیو آپریشن شروع کیا گیا۔
آصف محمود جمعرات کو اپر چترال کے علاقے بنی میں پیرا گلائیڈنگ کر رہے تھے۔ خراب موسم کی وجہ سے رات 2 بجے کے قریب ان کا رابطہ منقطع ہوگیا جس کے بعد ان کی تلاش شروع کی گئی۔ ریسکیو ٹیموں نے دشوار گزار پہاڑی علاقوں میں سرچ آپریشن کیا۔
ریسکیو ذرائع کے مطابق جمعرات سے تلاش کا سلسلہ جاری تھا اور جمعہ کو امدادی ٹیموں نے آصف محمود کی لاش اپر چترال کے علاقے بنی کے پہاڑوں سے برآمد کی۔
Source link
