دوطرفہ دفاعی تعاون، پیشہ ورانہ تعاون اور صلاحیت سازی پر بات چیت ہوئی۔
راولپنڈی:
صومالیہ کے ایک اعلیٰ سطحی دفاعی وفد نے سفیر احمد معلم فیکی، وزیر دفاع کی قیادت میں نیول ہیڈ کوارٹرز (این ایچ کیو) میں پاک بحریہ کے سربراہ ایڈمرل نوید اشرف اور ائیر ہیڈ کوارٹرز اسلام آباد میں ائیر چیف مارشل ظہیر احمد بابر سدھو سے ملاقات کی۔
NHQ میں باہمی پیشہ وارانہ دلچسپی کے اہم امور، علاقائی میری ٹائم سیکیورٹی اور دوطرفہ دفاعی تعاون پر تبادلہ خیال کیا گیا۔ چیف آف دی نیول اسٹاف نے صومالیہ کے ساتھ دفاعی تعلقات کو مزید مضبوط بنانے کے لیے پاکستان کے عزم کا اعادہ کیا۔
اے ایچ کیو میں دوطرفہ دفاعی تعاون، پیشہ ورانہ تعاون اور صلاحیت سازی پر بات چیت ہوئی۔ پاک فضائیہ کے سربراہ نے پاک فضائیہ کی مقامی صلاحیتوں کی نشوونما، تربیت اور پیشہ ورانہ تبادلوں پر روشنی ڈالی اور صومالی فضائیہ کے ساتھ ادارہ جاتی تعاون کے لیے پی اے ایف کے عزم کا اعادہ کیا۔
صومالی وزیر دفاع نے علاقائی میری ٹائم سیکیورٹی میں پاک بحریہ کے کردار اور پاک فضائیہ کی پیشہ ورانہ مہارت اور آپریشنل صلاحیتوں کو سراہا۔
Source link
