جھگڑے کے دوران ایک شخص جاں بحق

لاہور:

سمن آباد میں جھگڑے کے بعد نوجوان زمین پر گر کر جاں بحق ہوگیا۔ پولیس نے واقعے کے بعد ایک ملزم کو گرفتار کرلیا۔

پولیس نے متوفی کی شناخت محمد عمران کے نام سے کی ہے جس کا مبینہ طور پر ایک شخص سے جھگڑا ہوا تھا اور اس کے نتیجے میں ہاتھا پائی کے دوران گر کر زخمی ہو گیا تھا۔

اسے ہسپتال لے جایا گیا، جہاں ڈاکٹروں نے اسے مردہ قرار دے دیا۔ پولیس نے سی سی ٹی وی فوٹیج کی مدد سے ملزم میر اسلم کو گرفتار کر لیا۔ مقتول کے بھائی کی شکایت پر مقدمہ درج کر لیا گیا، جبکہ ایک اور نامزد ملزم کی گرفتاری کے لیے چھاپے مارے جا رہے ہیں۔